Тұңғыш Президент күнінде жас сарбаздар ант қабылдады
Тұңғыш Президент күні қарсаңында «Шығыс» өңірлік қолбасшылығының №27943 әскери бөлімінде жас сарбаздар ант қабылдады, деп хабарлайды Алтайньюс тілшісі.
– Жас сарбаздар Алматы, Ақтөбе, Қарағанды, Қостанай, Батыс Қазақстан облыстарынан келді. Олардың әскери ант қабылдауы бүгінгі мерекеге тұспа-тұс келіп отыр. Сарбаздар бұл жерде елді қорғайтын нағыз жауынгер болып шығады. Ата-аналар қауымы алаңдамаса да болады, себебі ұлдары сенімді жерде, – деді әскери бөлімнің тәрбие және идеологиялық жұмыстар жөніндегі орынбасары Асыл Ерғалиұлы.
Оның айтысынша, сапқа 300-ге тарта сарбаз тұрғызылды.
– Мен Алматы облысынан келдім. Бүгін әскери ант қабылдадым. Бұған дейін әскери бейімдеу мерзімінен өттік. Аз ғана уақыт ішінде көп нәрсені үйрендік, – деді жас сарбаз Абат Бұқарбаев.