KZ
Өскемен
+10°
облачно с прояснениями жел 3 м/с, С
449.58 486.94 4.86

Еңбек министрі: Қазақстанда өмір сүру деңгейі жақсарды

5.11.2018, 10:33 205

ҚР Еңбек және халықты әлеуметтік қорғау министрі Мәдина Әбілқасымова кедейлік деңгейін төмендетуге қатысты мәліметтерді жариялады, деп хабарлайды ҚазАқпарат.


«Әлеуметтік кепілдіктерді арттыру бойынша мемлекет жүргізіп отырған әлеуметтік саясаттың нәтижесінде өмір сүру деңгейінің негізгі көрсеткіштері жақсарды. Қазақстанда кедейлік деңгейі 1996 жылғы  34,6 пайыздан 2018 жылғы 2-тоқсан қорытындысы бойынша 4,7 пайызға қысқарды.  Халықтың жан басына шаққандағы номиналды ақшалай табысы  2001 жылдан бастап 2017 жыл аралығында 10,8 есеге өсіп, 83 мың 53 теңгені құрады», - деді министр Парламент Мәжілісіндегі Үкімет сағатында.


Оның сөзіне қарағанда, халықтың табыстар бойынша теңсіздігі қысқарып келеді. Джини индексінің мәні 2001 жылдан 2017 жыл аралығында 0,287 дейін 1,3 есеге қысқарды.


«Кедейлік тереңдігі 2001 жылдан 2017 жылға дейін 37 есеге, яғни тиісінше 14,8 пайыздан 0,4 дейін, кедейлік өткірлігі - 65 есеге,  6,5  пайыздан 0,1 пайызға дейін азайды», - деді Мәдина Әбілқасымова.


Бұдан бұрын хабарланғандай, Мәжілістегі Үкімет сағатында ҚР Еңбек және халықты әлеуметтік қорғау министрі атаулы әлеуметтік көмектің жаңа форматын жетілдіру бойынша ұсыныстар пысықталып жатқанын мәлім етті.


 

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив