Өскеменде адам қағып өлтіріп қашып кеткен жүргізуші ұсталды
Жол-көлік оқиғасы КШТ-да болған, деп хабарлайды Алтайньюс тілшісі.
14 қазан күні белгісіз көлік ер адамды қағып кеткен болатын. Жапа шегуші жарақат салдарынан қаза тапты. Ал айыпты азамат болса, бой тасалап үлгерген.
ШҚО ІІД оқиғаның таңғы сағат 6.45-те Сәтпаев даңғылы бойында болғанын анықтады.
– Жүргізуші 61 жастағы жаяу жүргіншіні қағып, оқиға орнынан бой тасалаған. Жедел іздестіру шараларының нәтижесінде оның 57 жастағы жергілікті тұрғын екенін анықтадық. Күдікті құрықталды, – деп хабарлады ІІД баспасөз қызметі.
Қазір сотқа дейінгі тергеу жұмыстары жүріп жатыр.
Оқи отырыңыз