Көкпектіде балықты сүйегіне дейін өңдейтін зауыт жұмыс істеп тұр
Көкпекті ауданындағы балық зауыты қалдықсыз өнім шығару технологиясына көшті. Осыдан бастап бұл зауытта балықтың сүйегіне дейін кәдеге жаратылатын болады, деп хабарлайды Алтайньюс тілшісі.
– Балық ұнын өндіруді қолға алдық.Тұтынушылардың айтуынша, ұнның сапасы жоғары. Оған сұраныс та артып келеді. Мұнда негізінен сазан, көксерке, шортан сияқты балықтар өңделіп, нарыққа жөнелтіледі,- дейді зауыттың басшысы Александр Нарожнев.
Бүгінде зауытта 120 адам еңбек етеді. Мұнда бір ауысымның өзінде ғана төрт тонна өнім шығарылады.
– Басты мақсат – тұтынушылардың көңілінен шығып, сапалы өнім өндіріп, халықты жұмыспен қамтамасыз ету, - дейді Александр Нарожнев.