Қазақстандық оқушыларға қысқа белдемше, кеудесі ашық көйлек киіп, қымбат әшекей бұйымдарды тағуға тыйым салынады. Мұндай ұсынысты Қоғамдық даму вице-министрі Арын Берік айтты.

Оның айтуынша, кей ата-ана хиджаб киюге тыйым салынып, ашық-шашық киюнуге рұқсат етілді деп есептейді екен. Осыған қатысты арыздар Білім министрлігіне дейін жетіпті. Ол жақтағылар мәселені шешуге белсене кіріскен.

– Діни киімдер мен ашық киімдерге қатысты айтылып жатқан сын көп. Осы себепті біздің министрлік Білім және ғылым министрлігіне ұсыныс жасады. Олар мәселені шешуді жоспарлауға кірісті, – дейді вице-министр.