KZ
Өскемен
+6°
облачно с прояснениями жел 3 м/с, З
448.15 483.46 4.86

Бүгін облыс әкімі Даниал Ахметов жұмыс сапарымен Аягөз ауданына барды

14.09.2018, 04:10 204

Бүгін, яғни  14 қыркүйекте облыс әкімі Даниал  Ахметов  Аягөз ауданына жұмыс сапарымен барды, деп хабарлайды Алтайньюс тілшісі.


Жұмыс сапары барысында облыс әкімі Қазақстан Республикасының Президенті - Елбасы Н. Ә. Назарбаевтың «Болашаққа бағдар: рухани жаңғыру» мақаласының «Туған жер» бағдарламасы және Астана қаласының 20 жылдығына арналған Аягөз ауданы күні аясында өтетін «Аягөз ауданының рухани және тарихи-мәдени мұрасы» атты республикалық ғылыми-теориялық конференцияға қатысады.


Сонымен қатар, 600 орындық жаңа қазақ мектеп-лицейінің салтанатты ашылу рәсіміне қатысып, жаңа модификациялық үлгідегі кабинеттердің жұмыстарымен, Қазақстан Республикасының денсаулық сақтау саласын дамытудың 2016 - 2019 жылдарға арналған «Денсаулық» мемлекеттік бағдарламасы аясында ашылған инсульттік орталықтың қызметімен, аулаларды абаттандыру бағдарламасын (7 көшеде ойын алаңы орналасқан) іске асыру барысымен танысады.


Сондай-ақ, Қазақстан Республикасының бірінші сыртқы істер министрі, Шығыс Қазақстан облысы және Аягөз ауданының құрметті азаматы Т.С.Сүлейменовтың жүлдесіне арналған бокстан республикалық турнирдің салтанатты ашылу рәсіміне қатысады.


Аягөз ауданы күні аясында «Туған жер - тұғырым» атты ақындар айтысы өтіп, мерекелік кеш соңы Қазақстан эстрада жұлдыздарының қатысуымен өтетін концертпен қорытындыланбақ.


Аягөз ауданында өтетін іс-шаралар туралы толық мәліметті сайтымыздың лентасынан оқи отырыңыздар.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив