Өскемен медицинасы халықаралық стандарттарға сай алғашқы қала болады
Өскемен медицинасы халықаралық стандарттар бойынша жұмыс істейтін алғашқы қала болмақ. Бұл туралы облыс әкімі Даниал Ахметов қала активінде мәлімдеді.
-Келер жылы мекемелерді медициналық техникамен жабдықтауды аяқтаймыз. Өскемен медицина саласында халықаралық стандарттарға сай еліміздегі алғашқы болмақ, - деді аймақ басшысы. – Біз хирургтардың шеберлігін жетілдіретін роботты бірінші болып орнаттық. Соның арқасында дәрігерлеріміз бүйрекке ота жасады. Мұндай отаны олардың еуропалық әріптестері де әлі жасамаған.
Сондай-ақ, облыс басшысы Ана мен бала орталығының халықаралық стандарттарға сай 4- деңгейге дейін көтерілетінін айтты. Орталықтың медқызметкерлерін шетелге оқуға жіберу жалғаса бермек.