Риддерлік жылу электроцентралында электр қуатын беру тарифтерін орнату мәселесі бойынша қоғамдық тыңдаулар өтті. Шығысэнерготрейд өкілдері ақылы транзиттің электр қуатының облыс көлемінде қымбаттауына әкелетінін ескертіп отыр.

Риддерлік ЖЭЦ-да жуықта жаңа қызмет түрі пайда болған еді – электр қуатын беру. Енді ол ақылы түрде көрсетілуі мүмкін. Қандай тариф бекітілетіні әзірше белгісіз. Бұл мәселені қазір Табиғи монополияларды реттеу бойынша Комитеттің департаменті қарастыруда.

Энергетиктердің ұсынып отырған тарифі – киловатт-сағатына 0,88 теңге. Егер бұл тариф бекітілетін болса, электр қуаты облыс көлемінде қымбаттамақ.