Осыған дейін Өскеменде өсімдік майының басқа аймақтармен салыстырғанда қымбат екені туралы хабарлаған едік. Енді мұнда қант бағасының да қымбат екені анықталып отыр.

ҚР Ұлттық экономика министрлігі статистика Комитетінің мәліметі бойынша, маусым айында қант 8,8 пайызға қымбаттаған екен. Бірақ мұндай жылдағы қымбаттау маусымына қазақстандықтар үйреніп қалған.

Республика бойынша бір келі қанттың орташ бағасы 223 теңгені құрап отыр. Ақтөбе мен Оралда қант бағасы 202 теңге болса, Өскеменде орташа баға 242 теңгені құрайды. Мұндай баға Астана қаласында да тіркелген және ел бойынша ең жоғары баға боп табылады.