ШҚО әкімі Даниал Ахметовтің төрағалық етуімен  «Нұр Отан» партиясы облыстық филиалының кезекті Саяси кеңес бюросы өтті.

Онда Зайсан ауданының тоғыз елді мекеніне газ құбырын тарту құрылысының созылып кетуі жеке мәселе ретінде қаралып, бұл жөнінде Зайсан ауданының әкімі Темірбек Қасымжанов баяндады.

Оның сөзінше, құрылыстың кешігуіне тиісті құжаттарға бірнеше мәрте өзгерістердің енгізілуі себеп болған. Аймақ басшысы оған шаруаны ағымдағы 1 қыркүйекке дейін бітіруді тапсырды.