Жарық ауылына ауызсу құбырлары тартылады. Бұл жобаның жалпы құны 299 миллион теңгені құрап отыр.

Алдағы уақытта Қаратөбе, Әди Шәріпов, Кеңтарлау, Кіші Қарасу, Сұлусары, Аршалы ауылдарының тұрғындары да сапалы ауыз сумен қамтылатын болады. Аудан әкімі Нұрлан Сыдықовтың айтуынша, биыл 14 ауылға су ұңғымаларын салу жоспарда бар.

– Қапай батыр ауылына су құбыры желілерін тарту мақсатында облыстық бюджеттен сегіз миллион теңге бөлінді. Жалпы, өткен жылы «Нұрлы жол» бағдарламасының аясында Суықбұлақ кенті мен Жаңаөзен ауылына су құбырлары тартылған. Оған 635 миллион теңге жұмсалды, - дейді аудан әкімі Нұрлан Сыдықов.