Елбасы Нұрсұлтан Назарбаевтың «Рухани жаңғыру» бағдарламасы аясында, облыс әкімі Даниал Кенжетайұлының және ШҚО мәдениет, архивтер және құжаттама басқармасының бастамасымен, Абай атындағы мемлекеттік қазақ музыкалық драма театрының шығармашылық ұжымы, Зайсан ауданындағы көрермендермен қауышты.

-Шалғайдағы ауылдарға, өнерден шуақ шашып, Зайсан, Қарабұлақ, Шілікті, Қаратал ауылдарына барып, Ә.Оразбековтың «Бір түп алма ағашы» спектаклін тарту еттік,-деді театртанушы Еңлік Саматова,-әртістер ауыл тұрғындарының қошеметіне бөленіп, алғыс алды.