Өскеменде қоқыс өңдеу зауыты салынады.  Еуропалық қайта құру және даму банкі осы жобаны қаржыландырмақ. Жоба құрылысы бойынша тиісті келіссөздер басталып та кетті.

 Бұл жөнінде облыс әкімі Даниал Ахметов халық алдындағы есеп беру кездесуінде айтты. Зауыт құрылысы  «Таза энергияға» көшу және «жасыл технологияларды» енгізу бағытында атқарылып жатқан шаралардың бірі ғана.  Қазір облыста заманауи утилизациялау және қатты тұрмыстық қалдықтарды қайта өңдеу мәселелері біртіндеп шешімін тауып келеді. Биыл Өскемен, Семей, Аягөз, Зырян және Шемонайха қалаларында қатты тұрмыстық қалдықтарды бөліп жинаудың бағдарламасы жүзеге асырылатын болады.