Биыл Бастаушы ауылына ауыз су құбыры желілері тартылады. Бұл жобаның жалпы сметалық құны 353, 452 миллион теңгені құрап отыр.

Құрылыс жұмыстарын «Жарма Құрылыс-Газ» ЖШС мердігер компаниясы жүргізбек. Аудандық сәулет, құрылыс, тұрғын үй-коммуналдық шаруашылығы, жолаушылар көлігі  және автомобиль жолдары бөлімінің басшысы Қайрат Джилкишевтің айтуынша, ағымдағы жылы «Аймақты дамыту» бағдарламасы аясында бірқатар жоба жүзеге асырылмақ.

-Биыл аудандағы ауыз су мәселесін шешу мақсатында құны 3 598, 372 миллион теңгені құрайтын төрт жобаны қолға алдық. Алдағы уақытта аудан тұрғындары бұл жобалардың игілігін көретін болады, - дейді Қайрат Джилкишев.