19 ақпаннан бастап облыс ішіндегі әуе бағыттары қайта қалпына келтірілді. Бұл туралы ШҚО Жолаушы көлігі және автомобиль жолдары басқармасы хабарлап отыр.

Бұл рейстердің тасымалдаушысы –  «Оңтүстік аспаны» әуекомпаниясы» АҚ. Әуе кемесі – АН-24

Өскемен – Зайсан – Өскемен бағыты бойынша аптасына 1 рейс әр дүйсенбіге жоспарланған.  Өскемен – Семей – Үржар – Семей – Өскемен бағыттарында да аптасына 1 рейс жұма сайын жұмыс істейді.

Әуе билеттерінің тарифтері 4000-нан 10000 теңге аралығында. Облыс орталығынан Семей қаласына ұшу 4000 теңге болса, Зайсанға – 8000, Үржарға – 10000 теңге. Ал Өскемен - Үржар бағытындағы билеттердің құны 10000 теңге тұрады.