Аудандық мәдениет және тілдерді дамыту бөлімі Усть-Таловка кентінің «Горняк» мәдениет үйінде «Ертегілер әлеміндегі сыбайлас жемқорлық» театрландырылған көрінісін сахналады.

Мәдениет үйіне жиналған ауыл тұрғындары көріністі сілтідей тынып тамашалады. Сахнадағы ертегі кейіпкерлерінің бейнесінен өз замандастарының келбетін көрген тұрғындар жемқорлықтың қандай кесепат екендігін ойларына түйіп қайтты. Пара алып, пара берген ертегі кейіпкерлерінің әрекеттері оларды бейжай қалдырмады.

Бұл көрініс әсіресе, ауылдың өсіп келе жатқан жас жеткіншектеріне ерекше әсер етті. Олардың тарапынан мұндай кештер жиі ұйымдастырылса деген тілек айтылды.