Cемейде таңға жуық 5 жасар бала жетінші қабаттан құлап кетті
Семей қаласында өткен демалыс күндері көпқабатты үйлердің терезесінен екі бала құлап, нәтижесінде екеуі де ауыр жараланды.
3-ші қыркүйек күні таңғы бестерге таяу темекі сатып алмақ болып далаға шыққан Семей қаласының тұрғыны балконның есігін ашық қалдырыпты. Ұйықтап жатқан 5 жасар ұл оянып алып әкесін іздеген. Балконға шығып кеткен бүлдіршін, 7-ші қабаттан құлап кеткен. Қазір бас сүйегі сынып, миы шайқалған бала жан-сақтау бөлімінде ес-түссіз жатыр.
Екінші оқиға да тура осындай. Энергетик шағын ауданында ата-ананың абайсыздығынан 6 жастағы қыз бала 4-ші қабаттан құлаған. Оның да бас сүйегі жараланып миы шайқалған, дене мүшелері сынған.