«Марқакөл» орман резерватынан арнайы әкелінген үш мың түп шырша аумағы бір гектардан асатын жерге ерте көктемде отырғызылған болатын.
Қазір сол балапан шыршалар Тарбағатай табиғатына жерсініп, жасыл желекке айналған атшаптырым алаңқай аудан орталығының көркіне көрік қосуда. Көшеттер отырғызылған бақты «Жасыл ел» жасағының жастары күтіп, баптап жүр.
Шырша отырғызу мұнымен тоқтап қалған жоқ. Жақында Ақжар ауылының орталығына тағы 300 түп қылқан жапырақты ағаш көшеті отырғызылды. Болашақта ол жерге Мақта апа аллеясын ашып, жан-жағы көгалдандырылмақ.
Қадырбек Кәкімұлы