KZ
Өскемен
+9°
переменная облачность жел 2 м/с, ОШ
449.58 486.94 4.86

Altaynews.kz порталы мемлекеттік тілдің мәртебесін көтерген ең үздік сайт атанды

11.12.2013, 18:00 275



Шығыс Қазақстан облыстық Altaynews.kz сайты 2013 жылы мемлекеттік тілдің мәртебесін көтерген және мемлекеттік тілдің проблемаларын қаузаған ең үздік электронды БАҚ болып танылды, деп хабарлайды Аltaynews.kz тілшісі.

ШҚ облыстық тілдерді дамыту жөніндегі басқармасы жариялаған «Мемлекеттік тіл және бұқаралық ақпарат құралдары» облыстық конкурсында Altaynews.kz сайты электронды БАҚ номинациясы бойынша «Үздік» деп танылып, арнайы диплом және бағалы сыйлықпен марапатталды.

Байқау мемлекеттік тілдің қызмет аясын кеңейту мен мәртебесін нығайту жайында, қазақ тілінің ахуалы туралы өткір де өзекті, сыни материалдар мен қызықты танымдық дүниелер жариялаған жекелеген тілшілер мен шығармашылық топтар арасында дәстүрлі түрде өткізіліп келеді.

Облыстық конкурстың қорытындысы Қазақстан Республикасының Тәуелсіздік мерекесі қарсаңында шығарылды.

Жеңімпаздардың арасында «Көктас таңы» Зырян аудандық газеті де бар. Газет ұжымы «Ең үздік басылым» аталымында жүлдегер атанды.

Облыстық «Рудный Алтай» газетінің тілшісі, осы басылымда ұзақ жылдар қалам тербеп келе жатқан Шәкерхан Әзмұхаметов «Үздік автор» атанды.

Қазылар алқасы әсіресе интернет-ресурста ақпараттың екі тілде: қазақ және орыс тілдерінде берілетінін ерекше атап өтті.

Мәлімет көзі: Аltaynews.kz




Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив