Шығыс Қазақстан облыстық білім басқармасы Қанипа Бітібаевваның «Мектепте Абайды танытудың жаңашыл әдістемесі мен технологиясы» атты оқулығының 100 данасын және «Егіз өрім» (педагогикалық эсселер) жинағының 100 данасын оқушыларға тарту етті, деп хабарлайды Аltaynews.kz тілшісі.
Қазақстан Республикасына еңбек сіңірген мұғалім, «Құрмет» орденінің иегері Қанипа Бітібаеваның педагогикалық қызметіне 45 жыл толуына орай шығарылған «Мектепте Абайды танытудың жаңашыл әдістемесі мен технологиясы» атты оқулығының 100 данасы және «Егіз өрім» (педагогикалық эсселер) жинағының 100 данасы Өскемен қаласындағы Жамбыл атындағы дарынды балаларға арналған мамандандырылған мектеп-гимназия-интернатындағы Қ.Бітібаеваның атаулы зертханасына тарту етілді.
Басқарма мамандары сиясы әлі кеуіп үлгермеген жаңа туындыларды сонымен қатар осы мектептің кітапханасына да табыс етті.