Өскемен қаласында бір күнде екі мектеп оқушысы жаяу жүргіншілер өткелінде жарақат алды, деп хабарлайды Аltaynews.kz тілшісі облыстық жол полициясының мәліметіне сілтеме жасап.

Лексус RX-350 көлігінің жүргізушісі таңертең мектепке бара жатқан 6 жастағы қыз баланы Сәтпаев даңғылының бойындағы реттелмейтін жүргіншілер өткелінде қағып кетті. Оқушы қыз алған жарақаттарымен облыстық ана мен бала ауруханасына түсті.

Осы күні кешке Сәтпеав-Өтепев көшелерінің қиылысындағы реттелетін жүргіншілер өткелінде тағы бір оқушы жарақат алды. 12 жастағы жасөспірім Мазда-626 көлігінің доңғалақтарының астына түсті. Рөлде 27 жастағы жүргізуші отырған.