Үржар ауданы азаматтарының құқықтық сауаттылық деңгейлері көтерілді. Бұған аудандық әділет басқармасының қызметкерлері мен нотариустардың қатысуымен өткен «Әділет кеңес береді» акциясы себепші болды, деп хабарлайды Аltaynews.kz тілшісі.
Аудандық әділет басқармасының басшысы Ғ.Табанов бастаған ақпараттық-насихат тобы Бестерек, Елтай елді мекенінде болып, жергілікті тұрғындар арасында құқық түсіндіру және кеңестік жұмыстар жүргізді.
Сонымен қатар, іс-шара шеңберінде барлық өтініш білдірген азаматтарға, заңды тұлғаларға құқықтық көмек көрсетіліп, кеңестер мен заңнама нормаларына түсініктемелер берілді.