Өскеменде «Абайлаңыз, балалар!» атты республикалық жедел-профилактикалық шараның аясында «Сіздің балаңыз – жолаушы» атты акция ұйымдастырылды, деп хабарлайды Аltaynews.kz тілшісі.

Қала көшелерінде ерекше трамвай жүріп өтті. Шаһардағы №9 мектептің оқушылары, жол қозғалысы жас инспекторларының республикалық слетінің жеңімпаздары қоғамдық көлікте концерт қойып, жолаушыларға буклеттер таратты.

Жол сақшылары қалалықтарға балалардың жол апатында жарақаттануы туралы әңгімелеп берді. Автокөлік жүргізушілеріне балалар мекемелерінің жанынан өткенде қырағылықты асыру жайында кеңес берілді. Ал ата-аналарға балаларды жолдар жүру қауіпсіздігіне үйрету түсіндірілді.