Бұқтырма су қоймасы арқылы салынатын көпір құрылысы 2014 жылдың бірінші жартыжылдығында басталып, 18 айдың ішінде аяқталуға тиіс.Осынау ауқымды құрылысты Оңтүстік Кореяның «Posko E&C» фирмасы жүргізетін болды, деп хабарлайды Аltaynews.kz тілшісі.
– Бұл 2015 жылы облыс көлемінде салынатын ең ірі құрылыс нысаны болып табылады, – дейді Күршім ауданының әкімі А.Сейітов. – Оның техникалық-экономикалық негіздемесін жасау үшін 120 млн. теңге, ал жобалық-сметалық құжаттамасына 600 млн. теңге қажет болып отыр. Жалпы құрылысқа 17 млрд. теңге қаржы жұмсалатын болады. 243 беттен тұратын техникалық-экономикалық негіздеме қазір менің қолымда. Құйған ауылының тұсындағы ең енсіз жерден салынатын ұзындығы – 1300, ені – 13 метр болатын көпір Күршім – Үлкен
Нарын трассасына шығатын болады.