Қазақстан Республикасының Президенті Нұрсұлтан Назарбаев Қазақстан халқы Ассамблеясының мерейтойлық ХХ сессиясында Достық үйлерінің құқықтық мәртебесін айқындау қажеттігін айтты.
Мемлекет басшысы облыс әкімдеріне жергілікті ерекшеліктер мен этнодемографиялық құрылымдарды есепке ала отырып өңірлік ҚХА-ны дамытудың тұжырымдамасын жасауды тапсырды.
Сондай-ақ, қоғамдық келісім мен әлеуметтік бастамалардың орталығы ретінде Достық үйлері жұмысының тиімділігін арттырудың да қажеттілігін, мұндай үйлердің барлық өңірлерде болуын ескертті.
Сонымен қатар, Достық үйлерінің бейбітшілік пен келісімнің өңірлік орталықтары ретіндегі құқықтық мәртебесін де айқындауды тапсырды.