Шемонайха ауданында жұмыссыз азаматтарды еңбекпен қамту мақсатында бос орындар жәрмеңкесі өткізілді, деп хабарлайды Altaynews.kz тілшісі.

Жәрмеңкеге «екі қолға бір күрек» іздеген 21 адам мен шағын және орта бизнес субъектілерінің 5 өкілі қатысты. Күн көріс көзін іздеген азаматтарға «ЭсБи-Констракшин ЛТД» ЖШС, «Көк Жал-Бетон» ЖШС, Шемонайха колледжі, №5 жалпы білім беретін орта мектеп, «Благо» қайырымдылық жобасы жұмыс орындарын ұсынды.

Бос орындар жәрмеңкесін өткізу нәтижесінде 1 адам тұрақты жұмысқа орналастырылды, 18 адам жұмысқа орналасу мәселесі бойынша кеңестер алды, 4 адам қоғамдық жұмыстарға, 1 адам жастар тәжірибесіне жіберілді.