Семей қаласында аяқ киім фабрикасы салынатын болады. Қала әкімі Айбек Кәрімов Түркияның инвестициялық компанияларының өкілдері мен ірі аяқ киім фабрикаларының жетекшілерімен кездесті, деп хабарлайды Аltaynews.kz тілшісі.
Былғары-тері комбинатының директоры, Семей қалалық мәслихатының депутаты Жұмағазы Рахымғалиев қатысқан кездесу барысында комбинатты қайта құру мен модернизациялау жобасы, Семейде аяқ киім фабрикасын салу мәселелері сөз болды.
"Hollyctre ltd» халықаралық компаниясының өкілі Селахаттин Чаликтің айтуынша, жобаны іске асыру үшін түрік инвесторлары 100 миллион АҚШ долларын салуға дайын. Жоба 10 жылға қарастырылған.
Былғары-тері комбинатын қайта құру жобасының алдыңғы кезеңі Қазақстанның қайта құру және даму банкінің қолдауымен жүзеге асқан болатын. 2011 жылы негізгі өндірістің екі цехын қайта құру мен модернизациялау аяқталды. Комбинаттың қаржылық директоры Нұрлан Шаяхметовтың сөзіне қарағанда, түрік әріптестерінің көмегімен әрлеу және былғарыны соңғы рет өңдеу цехтарының модернизациялау жобасын іске асыру жоспарланған.
- Былғары зауытын модернизациялағаннан кейінгі екінші кезеңде аяқ киім фабрикасын салу, модернизациялау қолға алынады.Жылына екі миллион жұп аяқ киім өндіру ойда бар. Біз Қазақстанның басқа да аяқ киім фабрикалары шығарып жатқан арнайы аяқ киімдерді ғана өндірмейміз, сонымен қатар, ерлерге, әйелдерге, балаларға арналған жоғары сапалы аяқ киімдер тігеміз. Планируемая мощность два миллиона пар обуви в год. Мы будем производить не только специализированную обувь, которую производят все обувные фабрики Казахстана, но и обувь для населения – мужскую, женскую, детскую. Причем очень высокого качества. Түрік компаниясы аяқ киімдерді заманауи технологиялық жабдықтардың көмегімен шығармақ., - дейді Нұрлан Шаяхметов. - Түрік инвесторлары германиялық «Desma» компаниясының мамандарымен алдын ала келіссөздер жүргізді. Бізде Қазақстандағы ең мықты да заманауи фабрика болады.
Семей қаласындағы аяқ киім фабрикасының құрылысын жыл аяғына дейін аяқтау жоспарланған. Келесі жылдың бірінші тоқсанында құрастыру жұмыстары жүргізіледі.Фабрикада жаңадан 850 жұмыс орны ашылады.
