Астероид жерге шамамен 27 мың шақырым болатын тым жақын қашықтықта ұшып өтті. Ғарыштық өлшем бойынша бұл арақашықтық жер мен айдың арасындағы қашықтықтан 14 есе кем. Қазір ғалымдар бұл астероидтің Ресейдің Челябі облысының аумағында құлаған метеоритпен байланысы бар жоғын анықтауда, деп хабарлайды 24 kz. телеарнасы.
Астероидтің жерге жақындайтыны алдын ала ескертілген. Мәселен, алғаш рет оны өткен жылдың басында испандық астроном байқаған. Сол кезден бері ол үнемі зерттеліп, бақылауда болды. Салмағы 120 мың тонна, ал диаметрі 50 метр астероид секундына 8 шақырым жылдамдықпен ғарышты айналып жүрген. Қазір ғалымдар бұл астероидтің Ресейдің Челябі облысының аумағында құлаған метеоритпен байланысы бар жоғын анықтауда. Ал, мамандар бұл астероид шамамен жарты ғасыр өткеннен кейін жерге қайта жақындайтынын хабарлайды.