Алматы қаласының әуежайында «Скат» авиакомпаниясына тиесілі АН-24 ұшағы қону жолағынан шығып кетті.
Әуежайға қонар кезде Тараз-Алматы бағытында ұшып келген «Скат» авиакомпаниясына тиесілі АН-24 ұшағы қону жолағынан шығып кетті, деп хабарлады Астана телеарнасы кешкі жаңалықтарында.
Оқиға 7-ақпан күні 00.25 минутта орын алды. Әуе кемесінің бортында 24 адам (20 жолаушы мен 4 экипаж мүшесі) болған. Зардап шегушілер мен қирандылар жоқ деген ресми хабар таратылды.
Алайда телеарна « оқиға кезінде борт инженер жарақат алды» деп мәлімдеді сенімді көздерге сілтеме жасап.
Оқиға орнында Алматы халықаралық әуежайының қызметкерлері жұмыс істеді. Ұшақ 04 сағат 30 минутта ангарға қойылды.