Өскемен қаласында «Жас қанат» облыстық жас орындаушылар байқауының іріктеу туры өтті. Оның қорытындысы бойынша мамыр айында Астана қаласында өтетін республикалық «Жас Қанат» байқауына облысымыздан 9 конкурсант жолдама сертификатын алды, деп хабарлайды Altaynews.kz тілшісі облыстық мәдениет басқармасының мәліметіне сүйеніп.
Өскемен қаласында «Жас қанат» облыстық жас орындаушылар байқауының іріктеу туры өтті. Оған облысымыздың қала мен аудандарынан 29 үміткер қатысты.
Байқауда төрағалық еткен қазылар алқасының қорытындысы бойынша 2013 жылдың мамыр айында Астана қаласында өтетін республикалық «Жас Қанат» байқауына облысымыздан 9 конкурсант жолдама сертификатын алды.
Байқау Шығыс Қазақстан облысының ән өнерін дамыту, жас өнерпаздардың орындау шеберліктерін шыңдау мақсатында ұйымдастырылды.
Байқаудың қорытындасы бойынша қатысушылар мен жеңімпаздар облыстық мәдениет басқармасының алғыс хаттарымен марапатталды.