Өскеменде өткен облыстық ақсақалдар басқосуында қариялар жастарға дұрыс тәрбие беру мәселелерін талқылады, деп хабарлайды Altaynews.kz тілшісі.

Кезінде ел басқарған азаматтар болашақ жастардың қолында екенін айта келе, бүгінгі билік өкілдерін халыққа, әсіресе жастарға жақын болуға шақырды. «Жастарды бұрыс жолға түсірмейтін амалдарды қарастырып, жол сілтеген жөн» дейді олар.

- Жолдауда айтылған басты мәселелердің бірі - билік пен халық арасындағы байланыс және жастар тәрбиесі. Бұл – ең басты және ең күрделі мәселе. Облыста өтіп жатқан тұрақтандыру қоры бұл да халық пен билік арасындағы байланыстың бір түрі болып табылады,- дейді Семей қалалық ақсақалдар алқасының төрағасы Амантай Доғалақов.