KZ
Өскемен
+12°
пасмурно жел 6 м/с, Ю
448.15 483.46 4.86

«Уылдырық-2012» нәтижесінде 750 мыңнан астам айыппұл төленді

29.05.2012, 18:00 131


Облыстың табиғат қорғау полициясы «Уылдырық-2012» операциясының басталуынан бері 640 келіден астам заңсыз ауланған балық, ұзындығы 8 шақырым 102 торлы ау мен 12 қайық тәркіледі.

Табиғатты қорғау полициясы Зайсан-Ертіс бассейнінің балық қорын сақтау бойынша кешенді шаралардың өткізілгендігін атап өтті.

Табиғатты қорғау және ветеринарлық инспекция бөлімінің бастығы Батырхан Сүлейменовтың айтуынша, уылдырық шашатын орындарда, оларға апаратын көші-қон жолдарында, ерекше қорғалатын табиғи аумақтарда полицияның көшпелі бекеттері ұйымдастырылып, жолдар мен Бұқтырма су қоймасының жағалауына Ми-2 тікұшағымен патрульдеу жүргізілді.

«Уылдырық-2012» операциясының басталуынан бері 237 тәртіпбұзушылық анықталып, 196 адам әкімшілік жауапкершілікке тартылды, Күршім ауданында балықты заңсыз аулау фактісі бойынша қылмыстық іс қозғалды, 750 мыңнан астам айыппұл төленді. 40 материал сотқа жіберілді.

Мәлiметтiң көзi: Altaynews.kz




Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив