Семейде екі қабатты тұрғын үй түгі қалмай өртеніп кетті.
Ғимарат ағаштан тұрғызылғандықтан қызыл жалын әп-сәтте күш алып, тез сөндіру мүмкін болмаған. Түн ортасында басталған өрт тек таң ата ауыздықталды. Іргетасы 19-шы ғасырда қаланған нысанның неден тұтанғаны әзірше белгісіз. Тілсіз жаудан 3 адам жапа шегіп, қазір ауруханада жатыр. Әсіресе, жалынды ортасынан жарып өтпек болған жетпістегі кейуананың жағдайы ауыр. Үстіндегі киіміне от тиіп, денесінің 90 пайызын күйік шалған.
Мәлiметтiң көзi: КТК телеарнасы