Елімізде жыл басынан бері өрт салдарынан 148 адам қаза тапты.

Бұл туралы бүгін ҚР ТЖМ баспасөз қызметінің бас маманы Эльдор Райымбеков мәлім етті.

«2012 жылдың өткен кезеңінде елімізде 3 528 өрт орын алды. Одан келген материалдық шығын 9 млн.-нан астам теңгені құрады. Өрт кезінде 148 адам қаза тапты, оның 12-сі бала. 156 адам әртүрлі деңгейде дене жарақатын алды, күйік шалды, уланды», - деді ол.

Оның атап өтуінше, жүргізілген талдаулар өрттердің бас бөлігі жеке тұрғын үй секторында болатындығын көрсетті. Оқиғаның басым бөлігі жылыту пештерін қолдан жасау кезінде өрт қауіпсіздігі қадиғаларын бұзудан орын алады.