ШҚО-жа жеке тұрғын үйде өрт болып, 57 жастағы ер адам қаза тапты, деп хабарлайды ҚР ІІМ-нің баспасөз қызметі.
Дүйсенбі, 20 ақпан күні Шығыс Қазақстан облысы Бородулиха ауданындағы Дмитриевка ауылында Бейбітшілік, 105 көшесінде орналасқан жеке тұрғын үй отқа оранды.
Өрт 35 шаршы метр аумақты шарпыды. Оқиға орнынан 57 жастағы ер адамның мәйіті табылды.
Өртті сөндіруге ҚР ТЖМ Шығыс Қазақстан облысы бойынша ТЖД өрт сөндіру қызметі жеке құрамының 7 адамы мен 2 техника бірлігі жұмылдырылды.
Мәлiметтiң көзi: ҚазАқпарат