Әзірбайжан портында жарылған кеме қазақстандық емес, деп мәлімдеді Қазақстанның сыртқы істер министрлігі.


Бейсенбіде кемедегі жарылыс салдарынан болған өртте төрт адам қаза тапты. Барлық қаза тапқандар Әзірбайжан азаматтары болып табылады.

«Қазақстанның Бакудегі елшілігінен алынған ақпаратқа сәйкес, Әзірбайжанның мемлекеттік теңіз басқармасы 2012 жылдың 16 ақпанында Зых портында жарылған «Сана» балық аулау кемесінің қазақстандық емес екендігін растады», - делінген СІМ-нің таратқан хабарламасында.