Маңғыстау облысында қар құрсауынан 12 көлік шығарылды, деп хабарлайды ҚР ТЖМ баспасөз қызметі.
Маңғыстау облысындағы Маңғыстау ауданы аумағында «Шетпе-Сай-Өтес-Бейнеу» күре жолында 15 ақпанда басталған қарлы боранның салдарынан Манат асуында көліктер тұрып қалған, қарды қаншама аршығанымен ұйтқыған боран жолды қайта жауып тастаған. Сай-Өтес кенті маңында 86 маман мен 62 техника шоғырланған.
Бейнеу бағытында қар құрсауынан 12 техника шығарылды.
Апаттан құтқару жұмыстарына МИ-171 тікұшағы тартылды. Ол Сай-Өтес кентінен шамамен 40-45 шақырымда қалған автоколоннадағы адамдарды азық-түлікпен қамтамасыз етті.
19 ақпан күні сағат 19.00 минутқа дейін Бейнеу кентінен басталатын 110 шақырымдық көлік жолы қардан тазартылды.
