Өскемендегі тұрғын үйлерде өрт қауіпсіздігі ережелерін сақтамау салдарынан болатын өрт оқиғалары жиі орын алуда, деп хабарлайды Altaynews.kz.
- Көп жағдайда жеке тұрғын үйлердің пештері жылыту кезеңіне дайын болмай, тұрғындар оларды тиісті талапты орындамай пайдаланады. Бұл пештің бұзылуына әкеп соғады,-дейді Өскемен қаласының ТЖ басқармасының баспасөз қызметі.
20-қаңтарда Малдыбаев көшесіндегі жеке тұрғын үйде пеш жағылып, пеш мұржасындағы сызаттың кесірінен тұрғынжай түтінге оранған.22-қаңтарда Покрышкин көшесіндегі жеке тұрғын үйдің ауласындағы моншаның 6 шаршы метр шамасындағы ағаш едендері мен қабырғалары жанып кетті. Өрттің себеп-салдары анықталып жатыр. Ол пешті орналастыру мен пайдалануда өрт қауіпсіздігі ережелерінің сақталмауынан немесе абайсыздан орын алған. 23-қаңтар күні Астафьев көшесіндегі жеке тұрғын үйде орын алған жылу жүйесіңнің жарылуы да пайдалану ережесін сақтамағандықтан болып отыр.
